1. Пайдаланушы Акцепт жасаған кезде Оферта шартымен анықталған тәртіп бойынша Дербес деректерді жинау мен өңдеуге қатысты заңнамаға сәйкес, Пайдаланушы Орындаушыға және үшінші тұлғаларға өзінің Дербес деректерін заңнамаға қайшы келмейтін тәсілдермен жинауға, өңдеуге, трансшекаралық беруге (қажет болған жағдайда) сөзсіз келісімін береді. Бұл деректер Оферта шартында көрсетілген мақсаттар үшін Орындаушының шешімі бойынша, оның ішінде жалпыға қолжетімді ақпарат көздерінде де қолданылуы мүмкін, сондай-ақ Орындаушымен қазіргі уақытта бар немесе болашақта пайда болатын азаматтық-құқықтық және (немесе) басқа да құқықтық қатынастарға байланысты қолданылады.

2. Пайдаланушының Дербес деректері деп Тараптар төмендегі ақпараттарды, сондай-ақ болашақта электрондық, қағаз және (немесе) басқа да материалдық тасымалдаушыларда болатын өзгерістер мен толықтыруларды анықтады, соның ішінде шектеусіз: тегі, аты, әкесінің аты (болған жағдайда), ЖСН, туған күні, азаматтығы, жынысы, жұмыс орны және қызметі, пошталық мекенжайы (тұратын орны, тіркелген мекенжайы), үй, жұмыс, ұялы телефон нөмірлері, электрондық пошта мекенжайы(лары), әлеуметтік желілердегі, чаттардағы, мессенджерлердегі, форумдардағы пайдаланушы идентификаторлары.

3. Пайдаланушының Дербес деректерін жинау, өңдеу және трансшекаралық беру (қажет болған жағдайда) Орындаушымен төмендегі мақсаттар үшін жүзеге асырылады, соның ішінде, бірақ шектелместен:

3.1. Оферта шартын, сондай-ақ Орындаушыға заңнамамен жүктелген құқықтар мен міндеттерді тиісті орындау мақсатында;

3.2. Орындаушының ішкі бақылауы мен есебі үшін;

3.3. Орындаушының құқықтарын сот және соттан тыс қорғау үшін: тиісті мәмілелер бойынша міндеттемелер бұзылған жағдайда; даулы жағдайлар, оның ішінде үшінші тұлғалармен даулар туындаған жағдайда;

3.4. Қызметтердің сапасын жақсартуға бағытталған зерттеулер жүргізу үшін;

3.5. Маркетингтік бағдарламалар мен статистикалық зерттеулерді өткізу, сондай-ақ Пайдаланушымен тікелей байланыс арқылы Қызметтерді ілгерілету мақсатында (соның ішінде шектелместен: пошта жіберілімдері, электрондық пошта, телефон және (немесе) факс байланысы, Интернет желісі және т.б.).

4. Пайдаланушы Дербес деректерін Орындаушыға ашық байланыс арналары арқылы бере отырып, олардың үшінші тұлғалар тарапынан рұқсатсыз алыну қаупін және осыған байланысты салдарларды түсінеді және қабылдайды. Орындаушы ашық байланыс арналары арқылы деректерді беру кезінде үшінші тұлғалар тарапынан рұқсатсыз алынған деректер үшін жауапкершілік көтермейді.

5. Пайдаланушының осы бөліммен реттелген Дербес деректерін жинауға, өңдеуге және трансшекаралық беруге (қажет болған жағдайда) берген келісімі Қазақстан Республикасының заңнамасымен реттелген жағдайларда жазбаша өтініш негізінде кері қайтарылуы мүмкін. Мұндай өтініш Орындаушыға келісімнің кері қайтарылу күнінен кемінде он күн бұрын тапсырылуы тиіс. Бұл ретте Пайдаланушы осы келісімді кері қайтару заңнамаға қайшы келген жағдайда немесе Пайдаланушының Орындаушы алдындағы орындалмаған міндеттемелері болған жағдайда кері қайтаруға болмайтынын біледі.