Осы Қызметтер көрсету туралы жария шарт (оферта) (бұдан әрі мәтін бойынша — "Шарт") Қазақстан Республикасы Азаматтық кодексінің 395-бабының 5-тармағына сәйкес, "X2 Retail" жауапкершілігі шектеулі серіктестігінің, БСН 150440009522, орналасқан жерінің мекенжайы: Қазақстан Республикасы, Астана қаласы, Нұра ауданы, Қабанбай батыр даңғылы, 29, 7-т.е.ү., бөлшек сауданы онлайн-автоматтандыруға арналған компанияның бағдарламалық жасқатамасына (бұдан әрі мәтін бойынша – "Өнім") қол жеткізуді ұсыну бойынша қызметтер көрсетуге шарт жасасудың жария ұсынысы (оферта) болып табылады.
Осы ұсыныс Компанияның x2pos.com сайтында орналастырылған және кәсіпкерлік қызметті жүзеге асыратын жеке тұлғаларға (жеке кәсіпкерлерге) және заңды тұлғаларға, меншік нысанына қарамастан және Қазақстан Республикасында кәсіпкерлік қызметті жүзеге асыратын өзге де тұлғаларға (бұдан әрі мәтін бойынша – "Пайдаланушы") жолданған.
Өнімді пайдалану құқығын алғысы келетін адам Компанияның X2pos.com сайтында және/немесе платформасында (бұдан әрі – «Платформа») тіркеу рәсімінен өтуге міндетті. Тіркеу нысанын толтырған кезде, Пайдаланушы өзі туралы (өз компаниясы туралы) сенімді, толық және нақты ақпарат беруге міндеттенеді.
Шарттың талаптарын Компания Қазақстан Республикасының заңнамасына сәйкес дербес белгілейді және Пайдаланушы Шартқа тұтастай қосылу (акцепт) жолымен ғана қабылдайды.
Дербес деректерді ауыстырған кезде, Пайдаланушы тіркеу деректеріне уақтылы өзгерістер енгізуге міндеттенеді. Пайдаланушы Компанияны және/немесе Компания агенттерін өзінің жеке басына/атауына қатысты жаңылыстырмауға, сондай-ақ Платформада үшінші тұлғалардың дербес деректерін олардың келісімінсіз орналастырмауға міндеттенеді. Пайдаланушы дәйексіз деректерді ұсынған жағдайда, Компания мұндай Пайдаланушыға Пайдаланушы төлеген сыйақыны қайтармай, одан әрі қызмет көрсетуден біржақты соттан тыс тәртіппен бас тартуға құқылы.
1. Шарт жасасу
1.1. Акцепт - пайдаланушының Компаниямен Өнімді пайдалану құқығына Шарт жасасуға келісімі оның "Компания деректемелері" бөлімінде көрсетілген деректемелер бойынша төлемді жүзеге асыруы болып табылады. Төлем тәртібі осы офертаның "Төлем тәртібі" бөлімінде көрсетілген.
1.2. Ақцепт нәтижесінде, келесі саналады:
1.2.1. Пайдаланушы танысқан, келіскен және қайтарып алынбайтын Компаниямен жасалған Шарттың талаптарын қандай да бір алып қоюсыз және шектеусіз толық көлемде қабылдады және оларды сақтауға немесе Өнімді пайдалануды дереу тоқтатуға міндеттенеді.
1.2.2. Компаниямен Акцепт алынды;
1.2.3. Шарт Пайдаланушы акцепт жасаған күні Қазақстан Республикасы Азаматтық кодексінің 397-бабының 1-тармағына сәйкес электрондық түрде жасалған болып есептеледі және міндетті түрде екі жақты қол қоюды, сондай-ақ шот-фактураларды қоюды талап етпейді және электрондық түрде жарамды болып табылады.
1.2.4. Мәміленің жазбаша нысаны сақталды;
1.2.5. Компания оның Өнімді пайдалануға айрықша құқықтарына кепілдік береді.
2. Шарттың мәні
2.1. Компания Пайдаланушыға осы Шартта белгіленген шектерде бөлшек сауданы онлайн-автоматтандыруға арналған Өнімді пайдалану құқығын береді, ал Пайдаланушы Компанияға Шартта белгіленген сыйақыны төлеуге міндеттенеді.
2.2. Өнімді пайдалану мерзімі Компанияның сайтында көрсетілген таңдалған тарифке сәйкес келеді: x2pos.com. Өнімді пайдалану мерзімі Өнімді іске қосу күнінен басталады. Осы Шарттың мақсатында Өнімді активтендіру деп Сатып алушының Өнімді пайдаланғаны үшін төлем енгізуі түсініледі.
2.3. Компания Пайдаланушыға таңдалған тарифке сәйкес Өнімді пайдалану мерзімі шегінде Өнімге техникалық қолдау көрсетеді.
2.4. Техникалық қолдау мыналарды қамтиды:
2.4.1. Өнімді бастапқы баптау бойынша кеңес беру.
2.4.2. Пайдаланушыны немесе Пайдаланушының 1 (бір) қызметкерін Өніммен жұмыс істеу бойынша қашықтықтан онлайн форматта оқыту.
2.5. Техникалық қолдауды Компания дүйсенбіден жұмаға дейін: сағат 10:00-ден 19:00-ге дейін, сенбі күні сағат 11.00-ден 17.00-ге дейін Астана уақыты бойынша жүзеге асырады. Демалыс күндері: жексенбі, мереке күндері.
2.6. Өніммен жұмыс істеуге оқыту мыналарды қамтиды: 1 (бір) академиялық сағаттан аспайды.
2.7. Өтінімді ашу техникалық қолдау шеңберінде жұмысты бастау үшін негіз болып табылады. Өтінім болмаса Компания қолдау көрсетуден бас тартуға құқылы. Өтінімде түсіндіруді қажет ететін мәселелер дәл және сауатты тұжырымдалуы және шешуді қажет ететін мәселелер сипатталуы тиіс.
2.8. Өтінімдер автоматты түрде, тікелей Компанияның электрондық пошта мекенжайына өтінімдер түскен сәтте ашылады. Өтінім ашылғаннан кейін одан әрі өзара іс-қимыл электрондық хаттарды да, телефон арқылы да жүзеге асырылуы мүмкін. Телефон бойынша консультациялар күніне 20 (жиырма) минут уақытпен шектеледі, бұл уақыт күндер бойынша жинақталмайды және ауыстырылмайды. Егер осы уақыт ішінде мәселені шешу мүмкін болмаса, онда Пайдаланушы қосымша ақылы кеңес алуға құқылы, оның мерзімі мен құнын Компания анықтайды.
2.9. Пайдаланушыны немесе Пайдаланушының қосымша (жаңа) қызметкерін қайта оқытуды Пайдаланушы оқыту сипатынан туындайтын Компанияның жеке тарифтері бойынша қосымша төлейді: қашықтықтан (онлайн) оқыту немесе Пайдаланушының орналасқан жеріне барып, Компанияның кеңсесі мен Пайдаланушының орналасқан жері арасындағы қашықтық және т.б. және жеке төлем шотында көрсетіледі.
2.10. Осы Шартта көрсетілмеген немесе көлемі мен мерзімі бойынша белгіленген шектен шығатын Өнімге өзге техникалық қолдау көрсетуді Пайдаланушы техникалық қолдау көрсету сипатынан туындайтын Компанияның жеке тарифтері бойынша әрбір осындай қолдау үшін жеке төлейді: Компанияның техникалық маманының Пайдаланушыға Компанияның болу қаласының шегінен тыс шығуы, километрдегі қашықтық және техникалық маманның жұмыс сағатымен өлшенетін алдағы жұмыстардың көлемі жеке төлем шотында көрсетіледі.
2.11. Компания Пайдаланушының төлем шотына сәйкес төлемнің 100%-ы жүзеге асырғаннан кейін ғана техникалық қолдаудың қосымша түрін көрсетеді.
3. Төлем тәртібі
3.1. Осы Шарт бойынша төлем мөлшері Компанияның сайтында орналастырылған қолданыстағы тарифтерге сәйкес айқындалады: x2pos.com. Бір рет белгіленген құн және рұқсат беру шарттары келесі өзгеріске дейін, сондай-ақ Пайдаланушы бұрын төлеген барлық кезең ішінде жарамды.
3.2. Пайдаланушы Өнімге қол жеткізуді ұсынғанға және Өнімге техникалық қолдау көрсеткенге дейін 100% алдын ала төлем түрінде толық көлемде төлем жасайды.
3.3. Өнімді пайдаланудың орындалмау қаупі Пайдаланушыға жүктеледі. Пайдаланушының қызметтерді ала алмауы (Компанияның кінәсінен емес) немесе Пайдаланушының техникалық қолдау қажеттілігінің болмауы өнімге қолжетімділік ұсынылғаннан кейін Пайдаланушыға ақшалай қаражатты қайтаруға әкеп соқпайды.
3.4. Өнімге қол жеткізгеннен (белсендірілгеннен) кейін Компания Өнімді толық пайдалану құқығын беру бойынша қызметтер көрсетті деп есептеледі.
3.5. Орындалған жұмыстардың (көрсетілген қызметтердің) актісін Компания қағаз жеткізгіште де, электрондық тәсілмен де қояды және Пайдаланушының мекенжайына, оның ішінде жеке кабинеті арқылы немесе Пайдаланушының тіркеу деректерінде көрсетілген электрондық пошта мекенжайына жібереді.
3.6. Пайдаланушы Орындалған жұмыстардың (көрсетілген қызметтердің) актісін ұсынған сәттен бастап 5 (бес) жұмыс күні ішінде немесе ұсынылған актіні бекітуге және оған қол қоюға немесе Компанияға жазбаша түрде ескертулердің толық, дәйекті және толық тізімін қамтитын оған қол қоюдан дәлелді бас тартуды (бұдан әрі мәтін бойынша – "Дәлелді бас тарту") беруге міндетті. Компания көрсеткен қызметтердің (орындалған жұмыстардың) актісін қолма-қол ұсынған жағдайда, Пайдаланушы оған Компания өкілінен алған күні қол қоюға және бір данасын қайтаруға міндеттенеді.
3.7. Егер Компания Орындалған жұмыстардың (көрсетілген қызметтердің) актісін Пайдаланушыға ұсынған сәттен бастап 5 (бес) жұмыс күні ішінде дәлелді бас тартуды да, Пайдаланушы қол қойған орындалған жұмыстардың (көрсетілген қызметтердің) актісін де алмаса, Шарт бойынша қызметтер орындалған жұмыстар (көрсетілген қызметтер) актіні ұсынған сәттен бастап 6 (алтыншы) жұмыс күніне Пайдаланушы толық көлемде қабылдаған болып есептеледі.
3.8. Өнімді техникалық қолдау бойынша қызметтерді сату кезінде техникалық қолдау көрсету басталған айдың соңғы күні қызметтерді сату бойынша айналым жасалған күн болып табылады.
3.9. Пайдаланушы осы Шарт бойынша өз құқықтары мен міндеттерін үшінші тұлғаларға бере алмайды.
3.10. Пайдаланушының төлем міндеті Компанияның есеп айырысу шотына ақша түскен сәттен бастап орындалды деп саналады.
3.11. Осы Шарт мерзімінен бұрын бұзылған жағдайда, төленген сыйақы сомасы қайтарылуға жатпайды.
4. Зияткерлік меншік құқығы
4.1. Өнімге барлық айрықша құқықтар құқық иесіне - "X2 Retail" ЖШС-не тиесілі және қолданыстағы заңнамамен қорғалған. Пайдаланушы осы Шартта көзделген көлемде Өнімді Пайдалануға айрықша емес құқық алады.
4.2. Пайдаланушы Өнімді немесе Өнімге қолжетімділікті үшінші тұлғаларға бермеуге міндеттенеді. Сондай-ақ, Пайдаланушы Өнімдегі немесе ілеспе құжаттамадағы (бар болса) айрықша құқықтардың иесі туралы барлық ескертулерді өзгеріссіз сақтауға міндеттеме алады.
4.3. Өнімнің және оның бөліктерінің (функционалдарының) жұмыс алгоритмдері және оның бастапқы кодтары (оның ішінде олардың бөліктері) құқық иесінің коммерциялық құпиясы болып табылады. Осы Шарттың талаптарын бұза отырып, оларды кез келген пайдалану немесе Өнімді және/немесе оның бөліктерін пайдалану құқық иесінің құқықтарын бұзу ретінде қарастырылады және Пайдаланушыны жауапкершілікке тарту және оның Өнімді пайдалану құқығынан айыру үшін жеткілікті негіз болып табылады.
5. Тараптардың құқықтары мен міндеттері
5.1. Компанияның міндеттері:
5.1.1. Таңдалған тарифке сәйкес Өнімге қол жеткізу мерзімі ішінде Өнімнің жұмысқа қабілеттілігін және оның техникалық қолдауын (күн сайын дүйсенбіден жұмаға дейін сағат 10.00-ден 19.00-ге дейін, сенбі күні сағат 11.00-ден 17.00-ге дейін (мереке және демалыс күндерінен басқа) қамтамасыз ету.
5.1.2. Пайдаланушы қызметкерлерін қашықтықтан (онлайн) оқытуды Тараптар қосымша келіскен мерзімдерде жүргізу.
5.1.3. Пайдаланушының құпия ақпараты мен дербес деректерін қорғауды қамтамасыз ету.
5.2. Компанияның құқықтары:
5.2.1. Егер мұндай өзгерістер Пайдаланушыға Өнімді пайдалануға кедергі келтірмесе, Пайдаланушыға алдын ала ескертусіз Өнімнің құрамына, функционалына біржақты тәртіппен өзгерістер енгізу.
5.2.2. Сайттың жұмысын уақытша тоқтата тұра отырып, сайттың техникалық жұмыстарын жүргізу.
5.2.3. Пайдаланушы Өнімді пайдалану, Өнімді үшінші тұлғаларға (Өнімді пайдалану құқығын үшінші тұлғаларға) беру шарттарын бұзған жағдайда, техникалық қолдау және оқыту бойынша қызметтер көрсетуді тоқтату және жеке кабинеттің жұмысын тоқтата тұру және Пайдаланушының Өнімді пайдалану құқығын шектеу.
5.3. Пайдаланушының құқықтары:
5.3.1. Техникалық жұмыстарды жүргізу уақытын қоспағанда, Өнімді Шарт талаптарында тәулік бойы пайдалану.
5.3.2. Таңдалған тарифке сәйкес Өнімге қол жеткізу мерзімі ішінде Өнімге техникалық қолдау алу (күн сайын дүйсенбіден жұмаға дейін сағат 10.00-ден 19.00-ге дейін, сенбі күні сағат 11.00-ден 17.00-ге дейін (мереке және демалыс күндерінен басқа).
5.3.3. Орындалған жұмыстардың (көрсетілген қызметтердің) актісін және электрондық шот-фактураны өз мекенжайына жолдауды қағаз жеткізгіште қосымша сұрау.
5.4. Пайдаланушының міндеттері:
5.4.1. Компанияға Өнімді пайдалану құқығы үшін сыйақыны уақтылы төлеу.
5.4.2. Компанияның Өнімнің авторлық құқық иесі ретіндегі тиісті құқықтарының бұзылуы туралы қолда бар ақпарат туралы Компанияны дереу хабардар ету.
5.4.3. Өнімге қол жеткізу үшін пайдаланылатын сәйкестендіру деректерінің құпиялылығын сақтау.
5.4.4. Өнімді пайдалану және Шартты орындау кезінде Шартта және Өнімді пайдалану ережелері туралы ережелерді қамтитын басқа құжаттарда жазылған Компанияның барлық талаптарын сақтау, сондай-ақ электрондық пошта арқылы немесе жеке кабинет арқылы, сондай-ақ техникалық қолдау мен оқыту кезінде Пайдаланушының назарына жеткізілген Компанияның өзге де талаптары мен ұсынымдарын сақтау.
5.4.5. Тіркеу деректері өзгерген, орналасқан жері, заңды мекенжайы немесе банк деректемелері өзгерген, сондай-ақ телефон, электрондық пошта нөмірі өзгерген, таратылған немесе қайта ұйымдастырылған жағдайда, бұл туралы Компанияны осындай өзгерістер болған сәттен бастап 5 (бес) жұмыс күнінен кешіктірмей хабардар ету. Өзге жағдайда, Компания Шартты орындау шеңберінде Пайдаланушыға жолданған кез келген хат-хабарды уақтылы немесе тиісінше жібермегені үшін жауапты болмайды.
6. Ақпараттың құпиялылығы
6.1. "Құпия ақпарат" термині Компанияның, оның контрагенттерінің қызметіне байланысты және көпшілікке қолжетімді болып табылмайтын техникалық, қаржылық, коммерциялық және өзге де мәліметтерді шектеусіз қамтиды. Өнім және басқа бағдарламалық жасақтама Компанияның өте құнды меншігін білдіреді және Компанияға тиесілі коммерциялық құпия мен құпия ақпаратты қамтиды. Пайдаланушы Өнімге қатысты толық құпиялылықты сақтауға, сондай-ақ бұл ақпаратты олардың лауазымдық міндеттерін орындау үшін қажет өз қызметкерлерін қоспағанда, қандай да бір үшінші тарапқа толық немесе ішінара жария етпеуге міндеттенеді.
6.2. Тараптардың әрқайсысы Қазақстан Республикасының қолданыстағы заңнамасында көзделген жағдайларды қоспағанда, екінші Тараптың оған алдын ала жазбаша келісімінсіз екінші Тараптың қолы қойылған немесе осы Шартты орындау барысында қол жеткізе алатын құпия ақпаратын үшінші тұлғаларға жария етпеуге және/немесе өзге де жолмен бермеуге міндеттенеді.
6.3. Егер ақпарат жалпыға қол жетімді көзден алынған болса, ол құпия болып саналмайды.
6.4. Құпия ақпарат осы Шартты орындауға тікелей қатысатын тараптардың қызметкерлеріне ғана жеткізіледі.
6.5. Тараптар осы Шартты жасасу және орындау нәтижесінде оларға қолжетімді болған Тараптар қызметкерлерінің дербес деректерінің құпиялылығы мен қауіпсіздігін қамтамасыз етуге міндеттенеді.
6.6. Құпиялылық туралы шарттарды бұзған Тарап екінші Тарапқа Қазақстан Республикасының қолданыстағы заңнамасына сәйкес осындай бұзушылықпен келтірілген нақты және құжатпен расталған залалды өтеуге міндетті.
6.7. Осы Шарттың (Офертаның) талаптарын қабылдай отырып, Пайдаланушы Қазақстан Республикасының 2013 жылғы 21 мамырдағы №4-V "Дербес деректер және оларды қорғау туралы" Заңына (бұдан әрі — Заң), ҚР Конституциясының талаптарына және дербес деректер саласындағы Қазақстан Республикасының өзге де нормативтік құқықтық актілеріне сәйкес, Компанияның дербес деректерді өңдеуге, сақтауға және пайдалануға құқығы бар екендігімен танысқанын және келісетінін және Пайдаланушының мүдделерін білдіретін жеке тұлғалардың немесе осы Шарт бойынша өзара іс-қимыл жөніндегі Пайдаланушының уәкілетті тұлғаларының жоғарыда көрсетілген әрекеттерге жазбаша келісімін алғанын растайды. Осы Шарттың қолданылу мерзімі және Өнімді Пайдаланушының пайдалануы ішінде қолданылады. Пайдаланушы осы келісімді қайтарып алған жағдайда, Өнімді пайдалану мүмкіндігінен айырылуы мүмкін екенін түсінеді және келіседі.
7. 7. Тараптардың жауапкершілігі
7.1. Пайдаланушының Өнімнің жұмысқа қабілеттілігіне шағымдарын Компания даулы жағдай туындаған сәттен бастап 3 (үш) жұмыс күнінен кешіктірілмейтін мерзімде жазбаша түрде қарауға қабылдайды. Компанияның шағымдарды қарау мерзімі 15 (он бес) жұмыс күнінен аспайды.
7.2. Өнім тәулік бойы жұмыс істейді. Компания Пайдаланушыға желіге қол жеткізуді ұсыну бойынша қызметтер көрсететін провайдердің жұмысын қоса алғанда, электр қуаты мәселелеріне, деректер орталығындағы, Интернеттегі, өрттегі, террористік актідегі, өзге де форс-мажор мән-жайларындағы немесе Пайдаланушы жабдығы жағындағы техникалық ақауларға байланысты Өнімнің жұмыс қабілеттілігіндегі үзілістер үшін жауап бермейді.
7.3. Өнім және оның компоненттері "сол күйінде" жеке-жеке беріледі және Компания оның барлық функционалдығы Пайдаланушының үмітіне сәйкес келетініне және оның нақты мақсатына қолданылуы мүмкін екеніне кепілдік бермейді.
7.4. Егер Өнімді пайдалану кезінде қателер табылса, Компания оларды түзету үшін шаралар қабылдайды. Тараптар қатені жою мерзімін дәл анықтау мүмкін емес деп келіседі, өйткені Өнім мен компоненттердің өнімділігі үшінші тарап әзірлеушілерінің компьютерлеріне, операциялық жүйелерге және Пайдаланушының компьютерінің аппараттық ресурстарына арналған басқа бағдарламаларға байланысты.
7.5. Пайдаланушы ҚР заңнамасында немесе осы Шарттың нормаларында тыйым салынған әрекеттерді жасаған жағдайда, Компания себептерін түсіндірместен және Пайдаланушыны қандай да бір хабардар етпестен аталған бұзушылықтарды анықтайтын және олардың одан әрі пайда болуына жол бермейтін шаралар қолдануға құқылы.
7.6. Тараптар арасындағы барлық даулар келіссөздер арқылы шешілуі тиіс (сотқа дейінгі шағымға жауап беру мерзімі 10 (он) жұмыс күнін құрайды. Келіссөздер жолымен келісімге қол жеткізілмеген жағдайда, дау Компанияның орналасқан жері бойынша Қазақстан Республикасының заңнамасына сәйкес сотта қаралады.
7.7. Компания түпкілікті Өнімді пайдалану нәтижесінде Пайдаланушының кәсіпкерлік қызметіндегі тәуекелдер үшін жауап бермейді. Пайдаланушының кәсіпкерлік қызметін ол өз атынан, тәуекел үшін және мүліктік жауапкершілік үшін жүзеге асырады.
8. Еңсерілмейтін күш мән-жайлары
8.1. Тараптардың кез келгені оның еркіне қарамастан туындаған белгілі бір жағдайларда жауапкершіліктен босатылуы мүмкін.
8.2. Тараптардың еркіне тәуелді емес, өз міндеттемелерін адал орындайтын Тарап өз міндеттемелерін адал орындай алмайтын немесе оның салдарын жоя алмайтын оқиғалардан туындаған мән-жайлар, егер олар шарт жасалғаннан кейін орын алса және оның толық немесе ішінара орындалуына кедергі келтірсе, жауапкершіліктен босатылатын жағдайлар болып есептеледі.
8.3. Келесі оқиғалар еңсерілмейтін күш мән-жайлары болып саналады: соғыс, әскери іс-қимылдар, жаппай тәртіпсіздіктер, ереуілдер, эпидемиялар, табиғи апаттар, сондай-ақ тараптардың міндеттемелерін орындауға әсер ететін билік актілері және басқа да осындай оқиғалар мен жағдайлар.
8.4. Еңсерілмейтін күштің әрекетінен зардап шеккен Тарап екінші Тарапқа форс-мажор мән-жайлары басталғаннан кейін бірден тапсырысты хатпен немесе оған қолжетімді өзге де тәсілмен, бірақ кез келген жағдайда еңсерілмейтін күштің әрекеті басталғаннан кейін күнтізбелік 7 (жеті) күннен кешіктірмей хабарлауға және оларды жою үшін қандай шаралар қажет екенін түсіндіруге міндетті.
8.5. Егер көрсетілген мән-жайлар 2 (екі) айдан астам уақытқа созылса, әрбір Тарап осы Шартты мерзімінен бұрын бұзуға бастамашылық жасауға құқылы.
9. Шарттың қолданылу мерзімі және оны бұзу тәртібі
9.1. Осы Шарт жария шарт болып табылады (Қазақстан Республикасы Азаматтық Кодексінің 387-бабы 1-тармағы), оған сәйкес Компания толық төлем жасаған әрбір адамға қатысты Өнімге қол жеткізуді ұсыну жөніндегі міндеттемені өзіне қабылдайды, бұл осы Шарттың талаптарын акцепт (қабылдау) болып табылады.
9.2. Осы Шарт Компания төлемді алған сәттен бастап күшіне енеді және таңдалған тарифке сәйкес қол жеткізудің төленген мерзімі ішінде, ал өзара есеп айырысу бөлігінде - Тараптар міндеттемелерді толық орындағанға дейін қолданылады.
9.3. Шартты мерзімінен бұрын бұзған жағдайда, Тараптардың әрқайсысы екінші Тарапты оны бұзудың нақты күніне дейін 30 (отыз) күнтізбелік күн бұрын жазбаша хабардар етуге міндетті. Бұл ретте, құнын қайта есептеу Компанияның бастамасы бойынша Шарт бұзылған жағдайда ғана жүргізілуі мүмкін. Пайдаланушының бастамасы бойынша Шарт бұзылған жағдайда, төлем сомасы қайтарылуға жатпайды.
9.4. Шарттың қолданылу мерзімінің аяқталуы Тараптарды оны бұзғаны үшін жауапкершіліктен босатпайды. Шартты бұзу Тараптарды осы Шарт бұзылғанға дейінгі барлық кезең үшін бар берешектер болған жағдайда оларды толық өтеу міндетінен босатпайды.
9.5. Шарттың қолданылуын тоқтату құпиялылықты сақтау туралы талаптардың қолданылуын тоқтатуға және Пайдаланушының құқықтары мен өнімнің өзін үшінші тұлғаларға беруге әкеп соқпайды.
10. Басқа ережелер
10.1. Тараптардың барлық коммуникациясы осы Шартта көрсетілген мекенжайлар бойынша хат алмасу және Пайдаланушының тіркеу деректері арқылы электрондық мекенжайлар арқылы жүргізілуі мүмкін.
10.2. Құжаттардың түпнұсқаларын қағаз жеткізгіштерге жіберген кезде, жолдау дәлелі пошта түбіртегі болып табылады. Құжаттарды курьерлік қызмет жіберген кезде, жолдау дәлелі жүкқұжат (экспедиторлық қолхат) және курьерлік қызмет ұсынатын ақпарат, оның ішінде өз сайтында болып табылады.
10.3. Тиісті түрде ресімделген және Компанияның деректемелерінде көрсетілген және Пайдаланушының тіркеу кезінде көрсеткен электрондық мекенжайынан, оның жауапты және/немесе байланысатын тұлғаларынан алынған факсимильді/электрондық/пошта байланысы арқылы берілген құжаттарды Тараптар түпнұсқаларды нақты ұсынғанға дейін осы Шарттың талаптарын іске асыру мақсатында басшылыққа қабылдайды.
10.4. Осы арқылы Компания мен Пайдаланушы Шарттың тараптардың ерікті түрде жасалғанын растайды, бұл ретте, Пайдаланушы (Пайдаланушының өкілі):
а) оферта шарттарымен толық танысты,
б) оферта мен Шарттың мәнін толық түсінеді,
в) Шартты жасасуға және орындауға қатысты өз әрекеттерінің мәні мен салдарын толық түсінеді.
10.5. Шарттың жекелеген ережелерінің жарамсыздығы Шарттың тұтастай жарамсыздығына әкеп соқпайды.
10.6. Компания кез келген сәтте осы офертаның шарттарын өзгертуге және/немесе Пайдаланушымен алдын ала келіспей, офертаны біржақты тәртіппен кері қайтарып алуға құқылы, бұл ретте, өзгертілген шарттарды олар өзгергенге дейін 5 (бес) күнтізбелік күн бұрын www.atbpos.kz мекенжайы бойынша жариялауды қамтамасыз етеді. Компания офертаға өзгерістер енгізген жағдайда, мұндай өзгерістер, егер өзгерістердің күшіне енуінің өзге мерзімі осындай орналастыру кезінде қосымша айқындалмаса, www.atbpos.kz мекенжайы бойынша офертаның өзгертілген мәтіні орналастырылған сәттен бастап күшіне енеді.
10.7. Пайдаланушы келіседі және офертаға өзгерістер енгізу осы өзгерістерді Пайдаланушы мен Компания арасында жасалған және қолданыста болатын Шартқа енгізуге әкеп соғатынын және Шартқа бұл өзгерістер офертаға осындай өзгерістермен бір мезгілде күшіне енетінін мойындайды.
11. Компания деректемелері
"X2 Retail" ЖШС
БСН 150440009522
Кбе 17
Заңды мекенжайы: Қазақстан Республикасы, Астана қаласы, Нұра ауданы, Қабанбай батыр даңғылы, 29, 7-т.е.ү.
ИИК KZ0796503F0010204168
БСК: IRTYKZKA
Банк: "ForteBank" АҚ Астана қаласындағы филиалы
Жарғы негізінде әрекет ететін Директоры Жолдыбаев Ернур Тишкенович
Осы оферта және техникалық қолдау шартының талаптары мәселелері бойынша өтініштер hello@x2pos.com электрондық поштасы бойынша қабылданады
Есеп айырысу және құжат айналымы мәселелері бойынша өтініштер hello@x2pos.com электрондық поштасы бойынша қабылданады